ထိုင်းဥပဒေအရ သေဒဏ်ကို ဘယ်လို ကျင့်သုံးသလဲ

ထိုင်းနိုင်ငံမှာ ဥပဒေကသတ်မှတ်ထားတဲ့ အမြင့်ဆုံးပြစ်မှုကျူးလွန်သူတွေကို သေဒဏ်ချမှတ် လေ့ရှိပါတယ်။သေဒဏ်ချမှတ်ခံရတဲ့ အမြင့်ဆုံးပြစ်မှုတွေထဲမှာ ဘုရင်မင်းမြတ်အားလုပ်ကြံခြင်း သို့မဟုတ် လုပ်ကြံရန်ကြံစည်ခြင်း၊ နိုင်ငံတော်ပုန်ကန်မှု၊ နိုင်ငံတော်၏ရန်သူနှင့်သွားရောက်ပူးပေါင်းမှု၊ နိုင်ငံတော်၏ လျှို့ဝှက်ချက်အားသူလျှိုလုပ်သူ၊ လူသတ်မှု၊ အကြမ်းဖက်မှု၊ နိုင်ငံ့ဝန်ထမ်းဖြစ်ပြီး ရာထူးအလွှဲသုံးစားပြုကာ ပြည်သူတို့အား နှိပ်စက်မှု၊

ဥစ္စာပစ္စည်းများအားသိမ်းယူမှု၊ အဆောက်အဦ များအား မီးရှို့မှု၊ သူတပါးအား အသက်ဆုံးရှုံးမှုဖြစ်စေသည့် မုဒိမ်းကျင့်မှု၊ အသက် ၁၅ နှစ်မပြည့် သေးသည့် ကလေးများအား ပြန်ပေးဆွဲမှု၊ သူတပါးအားအသက်ဆုံးရှုံးမှုဖြစ်စေသည့် လုယက်မှု၊ မူးယစ်ဆေးဝါးများ အားရောင်းချရန်အတွက် ထုတ်လုပ်ခြင်း၊ တင်သွင်းခြင်း၊ တင်ပို့ခြင်းနှင့် ရောင်းချရန်အလို့ငှါ လက်ဝယ်သိမ်းဆည်းထားမှု အစရှိတဲ့ အပြစ်တွေ ပါဝင်ပါတယ်။

အဆိုပါပြစ်မှုတွေရဲ့ အလေးအနက်ပေါ်မူတည်ပြီး ကြီးလေးသောပြစ်မှုကျူးလွန်က သက်ဆိုင်ရာ ခရိုင်တရားရုံးက သေဒဏ်ချမှတ်လိုက်ပါတယ်။ ခရိုင်တရားရုံးက သေဒဏ်ချမှတ်ပြီး တဲ့အခါ တရားခံဟာ ဗဟိုတရားရုံးချုပ်ကို ဆက်လက်အယူခံခွင့်ရှိပြီး သူ့ကိုအတွက် အယူခံဝင် ပေးမယ့်ဆွေမျိုး၊ အဖွဲ့အစည်းတွေမရှိပါက ခရိုင်တရားရေးဌာနက အယူခံတင်ပေးရပါတယ်။

ဗဟိုတရားရုံးချုပ်က အမှုတွဲကိုပြန်လည်စစ်ဆေးပြီး မူလသေဒဏ်ကိုပဲ ပြန်လည်အတည်ပြု ဆုံးဖြတ်လိုက်ပြီဆိုပါက နောက်ဆုံးဆင့်အနေနဲ့ နိုင်ငံ့ဥသျှောင်ထိုင်း ဘုရင်မင်းမြတ်ထံ လွတ်ငြိမ်းချမ်းသာခွင့် လျှောက်ထားနိုင်ပါတယ်။အဆိုပါ လွှတ်ငြိမ်းချမ်းသာခွင့်ကို ရက်ပေါင်း ၆၀ အတွင်း လျှောက်ထားရမှာဖြစ်ပြီး (၁) ကြိမ်တည်းသာ လျှောက်ထားခွင့်ရှိပါတယ်။

အဆိုပါလွှတ်ငြိမ်းချမ်းသာခွင့်ကို ဘုရင်မင်းမြတ်ထံ တိုက်ရိုက်လျှောက်ထားရမှာမဟုတ်ဘဲ တရားရေးဝန်ကြီးဌာနကနေတဆင့်သာ လျှောက်ထားရမှာ ဖြစ်ပါတယ်။တရားရေးဝန်ကြီးက အသနားခံစာကို စစ်ဆေးပြီး ဘုရင့်ထံ လွှတ်ငြိမ်းချမ်းသာခွင့် လျှောက်လွှာတင်သွင်းပေးတဲ့ နေ့ရက်ကစ ရက်ပေါင်း ၆၀ အတွင်း တရားခံကို ကွပ်မျက်လို့ မရသေးပါဘူး။

ဘုရင်မင်းမြတ်က သနားတော်မူပြီး သေဒဏ်မှလွှတ်ငြိမ်းချမ်းသာခွင့် ပြုလိုက်တယ်ဆိုရင် ပြစ်ဒဏ်ရဲ့ သုံးပုံတစ်ပုံ (တစ်သက်တစ်ကျွန်း) ဒါမှမဟုတ် ပြစ်ဒဏ်ရဲ့ နှစ်ပုံတစ်ပုံ (ထောင်ဒဏ် အနှစ် ၅၀ ) ထိ လျှော့ချပေးခြင်းခံရပါမယ်။တရားခံဟာ အကယ်၍ လွှတ်ငြိမ်းချမ်းသာခွင့်လည်း မတောင်းဆို၊ တောင်းဆိုသော်လည်း ဘုရင်ကြီးက ခွင့်မလွှတ်ပါက ဗဟိုတရားရုံးမှ သေဒဏ်ချမှတ်လိုက်တဲ့ နေ့ရက်ကစပြီး ရက်ပေါင်း ၆၀ ပြည့်တဲ့ခါ ကွပ်မျက်ခြင်းခံရမှာ ဖြစ်ပါတယ်။

ဗဟိုတရားရုံးက သေဒဏ်ချမှတ်ပြီးနောက် အမှုဖြစ်ပွါးရာ ခရိုင်တရားရုံးက အဆိုပါ တရားခံရဲ့ အမှုပြီးပြတ်ကြောင်း စာထုတ်ရပါမယ်၊ အဆိုပါစာကို တရားခံအား ချုပ်နှောင်ထားတဲ့ အကျဉ်းထောင် ထောင်မှူးကြီးဆီ ပို့ဆောင်ရမှာ ဖြစ်ပါတယ်။ အကျဉ်းထောင်ကလည်းချုပ်နှောင်ခြင်း ပြီးဆုံးကြောင်း စာထုတ်ရပါတယ်။

ဒါပေမဲ့ တရားခံကို ချက်ချင်း ကွပ်မျက်လို့မရဘဲ ရက်ပေါင်း ၆၀ အတွင်း လွှတ်ငြိမ်းချမ်းသာခွင့်မတင်ဘူးဆိုမှ ကွပ်မျက်ရမှာဖြစ်ပါတယ်။ (တရားခံကို အများအားဖြင့် ဘန်ခွမ်အကျဉ်းထောင်မှာပဲ ကွပ်မျက်လေ့ရှိပါတယ်)

တရားခံကို ကွပ်မျက်ဖို့အတွက် အထူးကော်မတီတရပ်ဖွဲ့စည်းပြီးပြီး အဲဒီထဲမှာ ထောင်မှူးကြီး၊ အကျဉ်းသားဆရာဝန်၊ ဘန်ခွမ်ခရိုင်ဝန် စတဲ့အကြီးအကဲတွေ ပါဝင်ပါတယ်။အဆိုပါကော်မတီမှ ကွပ်မျက်မယ့်နေရာအနေအထား၊ ပစ္စည်းကရိယာ၊ ကွပ်မျက်ခံရသူ မှားယွင်းမှုမရှိအောင် ကိုယ်ရေးအချက်အလက် အမှုတွဲ၊ နဂိုအမှုတွဲမှ လက်ဗွေရာနဲ့ ကွပ်မျက်ခံရသူ လက်ဗွေတူညီမှုရှိမရှိတွေပါ ထပ်မံစစ်ဆေးရပါမယ်။

တရားခံကို အဆုံးစီရင်ရာမှာ ရှေးဘုရင်များခေတ်က ခေါင်းဖြတ်သတ်ခြင်း၊ တိရစ္ဆာန်များနဲ့ ကိုက်သတ်စေခြင်း၊ ဆီပူအိုးနဲ့လောင်းချခြင်း၊ ဓာတ်ဆီဆွတ်ထားတဲ့အဝတ်နဲ့ ကိုယ်မှာပတ်ပြီး မီးရှို့ခြင်း အစရှိသောနည်းအမျိုးမျိုးနဲ့ ကွပ်မျက်ပေမယ့် နောက်ပိုင်းမှာ သေနတ်နဲ့ပစ်သတ်ခြင်း၊ ဆေးထိုးသတ်ခြင်းတွေအဖြစ် ပြောင်းလဲခဲ့ပါတယ်။ထိုင်းနိုင်ငံမှာ သေနတ်ပစ်ပြီးကွပ်မျက်တဲ့ စနစ်ကို ၂၀၀၃ ခုနှစ်အထိ ကျင့်သုံးခဲ့ပြီး အဲဒီကစ ဆေးထိုးပြီးကွပ်မျက်တဲ့စနစ် ပြောင်းလဲခဲ့ပါတယ်။

ဆေးထိုးကွပ်မျက်စနစ် ကျင့်သုံးအပြီး ၉ နှစ်အတွင်း နောက်ဆုံးအကြိမ် ကွပ်မျက်ခံရသူက တော့ ထိုင်းတောင်ပိုင်း တရန်းခရိုင်က အသက် ၁၉ နှစ်အရွယ် နိုင်းမိတ့် လုန်ကျစ်ဆိုသူ လူရွယ်တဦးဖြစ်ပါတယ်။ သူဟာ အလယ်တန်း ကျောင်းသားလေး တယောက်ကို ဓားနဲ့ ၂၅ ချက်ထိုး သတ်ပြီး တယ်လီဖုန်း လုယူသွားတဲ့အမှု ထင်ရှားတာကြောင့် ပြီးခဲ့တဲ့ ၂၀၁၈ ခုနှစ် ဇွန်လ ၁၈ ရက်နေ့က ကွပ်မျက်ခြင်း ခံခဲ့ရတာပါ။

တရားခံတွေကို မကွပ်မျက်မီ မိသားစုများအား နောက်ဆုံးအကြိမ်ဆက်သွယ်စကားပြောခွင့်၊ သေတမ်းစာရေး သားခွင့်ပြုပါတယ်။အဲဒီနောက် ဗုဒ္ဓဘာသာဖြစ်ပါက သံဃာတော်ပင့်ဖိတ်ပြီး သရဏဂုံတင်ပေးကာ အခြား ဘာသာဝင်များဖြစ်ပါက သက်ဆိုင်ရာသာသနာထုံးစံအတိုင်း ဆုတောင်းခြင်းများပြုလုပ်ပါတယ်၊ အဲဒီနောက် အကျဉ်းဦးစီးဌာန တာဝန်ရှိသူမှ ပြန်တမ်းကိုဖတ်ပါတယ်။

တရားခံများအားကွပ်မျက်ခြင်းကို ညနေ ၆ နာရီမှာ ပြုလုပ်လေ့ရှိပါတယ်။ဆေးထိုးကွပ်မျက်ခြင်းမှာ ပထမဆင့် အိပ်ဆေးပေးခြင်း၊ ဒုတိယဆင့် အကြောဖြေဆေးပေးခြင်း၊ တတိယဆင့် အဆိပ်ပါသောနှလုံးသွေးကြောရပ်စေတဲ့ ဆေးပေးခြင်းတွေ ဖြစ်ပါတယ်။

ပါးကွက်အာဏာသား ၃ ဦးရှိပြီး တဦးလျှင် ဆေးတမျိုးစီကိုင်ရပါတယ်။ အဆိုပါဆေးတွေ ဟာ ဘယ်သူက ဘာဆေးကိုင်တယ်ဆိုတာ မသိရပါဘူး (ဒီလုပ်လုပ်တာဟာ ပါးကွက်သားတွေ အနေနဲ့ မိမိလက်ချက်ကြောင့် တပါးသူသေဆုံးရတယ်ဆိုတဲ့ စိတ်ခံစားချက်မျိုး မရရှိအောင်လို့ လုပ်ရတာလို့ ဆိုပါတယ်)

ပထမဆုံးကွပ်မျက်မယ့်သူကို ခြေလက်တွေမလှုပ်နိုင်အောင် (ရုန်းကန်ခြင်းမရှိအောင်) ကြိုးနဲ့ ခုတင်ကို နှောင်တည်းထားပါတယ်။ အဲဒီနောက် ဂလူးဂို့စ်သွင်းတဲ့ပုံနဲ့ ဆေးကိုသွင်းထည့်တာပါ။

ကွပ်မျက်ခြင်းပြီးဆုံးပါက အမှန်တကယ်သေဆုံးခြင်းရှိမရှိ အကျဉ်းထောင်ဆရာဝန်က လာရောက်စစ်ဆေးပြီး ၁၂ နာရီ ထိန်းသိမ်းပြီးမှ အသုဘအခမ်းအနားလုပ်ဖို့ သက်ဆိုင်ရာဆွေမျိုးကို အလောင်းအပ်နှံပါတယ်။ အလောင်းလာယူမယ့် ဆွေမျိုးမရှိက အကျဉ်းဦးစီးဌာနကဘဲ မီးသဂြိုဟ်ပေးလိုက်ပါတယ်။

မှတ်ချက် – သေဒဏ်ချမှတ်ခံရသူဟာ အသက် ၁၈ နှစ်အောက်ဆိုရင်တော့ တသက်တကျွန်း သို့မဟုတ် ထောင်ဒဏ် နှစ် ၅၀ ထိ လျော့ပေးပါတယ်။သေဒဏ်ချမှတ်ခံရသူဟာ ကိုယ်ဝန်ရှိပါက မီးဖွားပြီး သူမရင်သွေး အသက် ၃ နှစ်ပြည့်မှ ကွပ်မျက်ရပါမယ်။သေဒဏ်ချမှတ်ခံရသူဟာ စိတ်မနှံ့သူ/စိတ်ဝေဒနာရပါက ဝေဒနာကုသပြီးမှ ကွပ်မျက်ရ ပါမယ်။

ထိုင်းအကျဉ်းဦးစီးဌာနဝက်ပ်ဆိုက်တွင် ဖော်ပြသော စာရင်းဇယားတွေအရ ၂၀၁၉ ခုနှစ်တွင်း အောက်ခြေတရားရုံးမှ သေဒဏ်ချမှတ်ခံထားရသူ စုစုပေါင်း ၅၅၉ ဦး (ကျား ၄၇၀ + မ ၈၉) ရှိပါတယ်။

အဲဒီထဲမှာ ဒုတိယတရားရုံးချုပ်သို့ အယူခံတင်ထားသူ ၂၆၆ ဦးရှိပြီး အမြင့်ဆုံး ဗဟို တရားရုံးချုပ်သို့ အယူခံတင်ထားသူ ၃၅ ဦးရှိကာ တရားရုံးချုပ်မှ အပြီးသတ် သေဒဏ်စီရင်ချက် ချလိုက်သူ ၂၅၈ ဦးရှိပါတယ်။ (အဆိုပါ ၂၅၈ ဦးမှာ ဘုရင်ထံ လွတ်ငြိမ်းချမ်းသာခွင့် တောင်းထားသူတွေရော/ မတောင်းရသေးသူတွေပါ ပါဝင်ပါတယ်။ အခုလို တရားခံများအား ကွပ်မျက်ခြင်းကို ကမ္ဘာ့နိုင်ငံအတော်များများက ကြီးစွာသော လူ့အခွင့်အရေးချိုးဖောက်မှုလို့ သတ်မှတ်ပြီး သေဒဏ်ရုတ်သိမ်းခဲ့ကြပါတယ်။

ဝီကီပီးဒီးယားဖော်ပြချက်အရ ကမ္ဘာမှာ သေဒဏ်ပေးပြီးကွပ်မျက်တဲ့ စနစ်ကျင့်သုံးနေတဲ့ နိုင်ငံပေါင်း ၅၈ နိုင်ငံသာ ကျန်ရှိပါတယ်။ထိုင်းနိုင်ငံမှာလည်း သေဒဏ်ပေးပြီး ကွပ်မျက်တဲ့စနစ်ရုပ်သိမ်းဖို့ လူ့အခွင့်အရေးဆိုင်ရာ အဖွဲ့တွေက တစိုက်မတ်မတ် တောင်းဆိုလျက်ရှိပါတယ်။

ကိုးကား – ဝီကီပီးဒီးယား ၊ ilaw.or.th / AMARIN TVHD သတင်း/ ထိုင်းနိုင်ငံအကျဉ်းဦးစီးဌာနဝက်ဘ်ဆိုက်

[ ယခုသတင်းကို မိတ်ဖက်မီဒီယာ DVB TV News ၏ တရားဝင်ခွင့်ပြုချက်ဖြင့်ဖော်ပြခြင်း ဖြစ်ပါသည်။ ]