မြန်မာများအား မလေးရှားပို့သည့် လူကုန်ကူးဂိုဏ်းခေါင်းဆောင်ကို ထိုင်းရဲဖမ်းဆီး

ထိုင်းတောင်ပိုင်း ချွန်းဖွန်းခရိုင်ထဲမှာ မြန်မာနိုင်ငံသားတွေကို မလေးရှားသို့ပို့ဆောင်နေတဲ့ လူကုန်ကူးဂိုဏ်း ခေါင်းဆောင်ကို ဖမ်းဆီးရမိပြီလို့ ထိုင်းနိုင်ငံရာဇဝတ်မှု နှိမ်နင်းရေးနဲ့ လူကုန်ကူးမှုတားဆီးနှိမ်နင်းရေးရဲတပ်ဖွဲ့က စက်တင်ဘာ ၁၁ ရက်နေ့ သတင်းစာရှင်းပွဲမှာ ပြောပါတယ်။

ပြီးခဲ့တဲ့သြဂုတ်လလယ်က ရနောင်းဘက်ကနေ လှေနဲ့ကူးလာပြီး ချွန်းဖွန်းခရိုင် ဖတိုမြို့နယ် ပတ်ဆုန်းအုပ်စုထဲမှာ မလေးရှားဘက်ဆက်သွားဖို့ လာရောက်စောင့်ဆိုင်းနေတဲ့ မြန်မာနိုင်ငံသား ၂၇ ဦးကို တာဝန်ရှိသူတွေက ဖမ်းဆီးရမိခဲ့ပါတယ်။ သူတို့ကို ခေါ်ဆောင်လာတဲ့ လူ ၃ ဦးကိုလည်း လူကုန်ကူးမှုနဲ့ ဖမ်းဆီးရမိခဲ့ပြီး အဖွဲ့ဝင် နောက်တဦးက လွတ်မြောက်နေပါတယ်။

အဆိုပါ လွတ်မြောက်နေသူမှာ အသက် ၂၇ နှစ်ရွယ်ရှိ နိုင်းဘန်းယတ် နွန်းနုပလော့ဆိုသူဖြစ်ပြီး ဖမ်းဝရမ်းထုတ်ခံထားရပါတယ်။စက်တင်ဘာ ၁၁ ရက်နေမှာ ရဲတပ်ဖွဲ့ဝင်တွေက သူ့ကို ချွန်းဖွန်းခရိုင် ဖတိုမြို့နယ် ပတ်ဆုန်းအုပ်စုရှိ နတ်ကွန်းတခုနားမှာ ဖမ်းဆီးရမိခဲ့တာလို့ ထိုင်းနိုင်ငံရာဇဝတ်မှုနှိမ်နင်းရေးနဲ့ လူကုန်ကူးမှုတားဆီးနှိမ်နင်းရေးရဲတပ်ဖွဲ့ ဒုရဲချုပ် ဘွန်းနွန်း ဖုန့်ဖန်းမုန့်က သတင်းစာရှင်းပွဲမှာ ပြောပါတယ်။

နိုင်းဘန်းယတ်မှာ လူကုန်ကူးဂိုဏ်းအတွက် ရှေ့ကလမ်းပြသူအဖြစ်ဆောင်ရွက်ကြောင်း၊ ဒါကြောင့် သူတို့အားလုံးကို ထိုင်းရာဇဝတ်မှုနှိမ်နင်းရေးရဲတပ်ဖွဲ့က တရားမဝင်သူများအား နိုင်ငံထဲ တရားမဝင် ခေါ်‌ဆောင်လာမှု၊ ဖမ်းဆီးမခံရအောင် သိုဝှက်ပြီး အကာအကွယ်ပေးထားမှု၊ လက်ခံထားရှိမှု၊ အဓမ္မလုပ်အားခိုင်းစေမှု၊ လူအချင်းချင်းကျွန်ပြုမှု စတဲ့ပြစ်မှုတွေနဲ့ စွဲချက်တင် ထားပြီး ဥပဒေအရအရေးယူသွားမယ်လို့ ဒုရဲချုပ်က ပြောသွားပါတယ်။

Source:မန်နေဂျာအွန်လိုင်း

[ ယခုသတင်းကို မိတ်ဖက်မီဒီယာ DVB TV News ၏ တရားဝင်ခွင့်ပြုချက်ဖြင့်ဖော်ပြခြင်း ဖြစ်ပါသည်။ ]